Ստաս Պյեխան հայտարարել է՝ ինտերնետը նվազեցրել է երիտասարդների էմպատիան

Ռուս երգիչ Ստաս Պյեխան կարծիք է հայտնել, որ ժամանակակից երիտասարդների մոտ էմպատիայի մակարդակը նվազել է։ Այս մասին նա խոսել է «Пятый канал»-ին տված հարցազրույցում՝ պատճառը կապելով ինտերնետի և սոցիալական ցանցերի արագ զարգացման հետ։

Երգչի խոսքով՝ մարդիկ սկսել են ավելի քիչ կենդանի շփվել, իսկ սոցիալական հարթակները փոխարինել են իրական հետաքրքրություններին և մարդկային հարաբերություններին։ «Որքան շատ է ինտերնետը, այնքան քիչ է էմպատիան», — նշել է Պյեխան՝ հավելելով, որ իր սերունդը շատ ավելի զգացմունքային և ապրումակցող էր։

Միաժամանակ արտիստը շեշտել է, որ չի դատապարտում երիտասարդներին, քանի որ, ըստ նրա, աշխարհն ինքն է փոխվել։ Հիշեցնենք, որ ավելի վաղ մամուլում տեղեկություններ էին տարածվել, թե Սանկտ Պետերբուրգի բնակիչներից մեկը մեղադրել էր Ստաս Պյեխայի վերականգնողական կենտրոնին՝ հիվանդների նկատմամբ վատ վերաբերմունքի համար։