Axios. Իրանի ուրանի հարստացման մորատորիումը կարող է տևել առնվազն 12 տարի

Իրանը և Միացյալ Նահանգները բանակցություններ են վարում ուրանի հարստացման մորատորիումի շուրջ, որը կարող է տևել 12 տարի, հաղորդում է Axios-ը՝ հղում անելով աղբյուրներին։

Աղբյուրի համաձայն՝ Իրանը առաջարկել է մորատորիումը սահմանափակել հինգ տարով, մինչդեռ Միացյալ Նահանգները՝ 20 տարի։ Մեկ այլ աղբյուր նշել է, որ մորատորիումը կարող է տևել 15 տարի։ Միացյալ Նահանգները նաև ցանկանում է ներառել դրույթ, որը կերկարաձգի մորատորիումը, եթե Իրանը խախտի այն։

Axios-ի փոխանցմամբ՝ մորատորիումի ժամկետի լրանալուց հետո Վաշինգտոնը պատրաստ է թույլ տալ Թեհրանին վերսկսել ուրանի հարստացումը մինչև 3.67%, որը նախատեսված է 2015 թվականի Համատեղ համապարփակ գործողությունների ծրագրով։