Կանյե Ուեսթը համերգ կտա Թբիլիսիում

Ամերիկացի սկանդալային ռեփեր Kanye West-ը 2026 թվականի հունիսին ելույթ կունենա Վրաստանում։ Համերգի կազմակերպիչ «Starring Georgia» ընկերությունը հայտարարել է, որ արտիստը բեմ կբարձրանա Թբիլիսիի «Դինամո Արենա» մարզադաշտում։

Համերգի մասին հայտարարություններն արդեն հայտնվել են Թբիլիսիի տոմսային հարթակներում և միջոցառումների կայքերում։ Ըստ հրապարակված տվյալների՝ ելույթը նախատեսված է հունիսի 12-ին։

Վերջին շրջանում Կանյե Ուեսթի եվրոպական մի շարք համերգներ չեղարկվել էին՝ կապված արտիստի շուրջ բարձրացած սկանդալների և քննադատությունների հետ։ Ավելի վաղ նա նաև հրաժարվել էր Ֆրանսիայում նախատեսված համերգից՝ հայտարարելով, որ չի ցանկանում, որպեսզի իր գործողությունների հետևանքով տուժեն երկրպագուները։