WP. Իրանը Մերձավոր Արևելքում վնասել է առնվազն 228 ամերիկյան ռազմական օբյեկտ

Իրանը վնասել կամ ոչնչացրել է Մերձավոր Արևելքում գտնվող առնվազն 228 ամերիկյան ռազմական օբյեկտ, չնայած ամերիկյան իշխանությունները բացահայտորեն չեն ընդունում վնասի իրական չափը։ Այս մասին հաղորդել է The Washington Post (WP)-ն, որը վերլուծել է արբանյակային պատկերները։

Թերթի տվյալներով՝ Իրանի օդային հարվածները հարվածել են անգարներին, զորանոցներին, վառելիքի պահեստներին, ռադարներին, կապի համակարգերին և հակաօդային պաշտպանության սարքավորումներին։ Օդային հարվածների սպառնալիքի պատճառով ԱՄՆ-ն չի կարողանում լիարժեքորեն շահագործել իր բազաները տարածաշրջանում։ Թերթի աղբյուրների փոխանցմամբ՝ գործողության սկզբում անձնակազմի մեծ մասը տեղափոխվել է այլ օբյեկտներ, որոնք գտնվում են իրանական հրթիռների հասանելիությունից դուրս։

Թերթի հետ զրուցած փորձագետները կարծում են, որ ԱՄՆ զինված ուժերը թերագնահատել են Իրանի հարվածային համակարգերը թիրախավորելու կարողությունը, չեն կարողացել հարմարվել ժամանակակից անօդաչու թռչող սարքերից պաշտպանվելու համար և չեն կարողացել բավարար կերպով պաշտպանել մի շարք բազաներ։ Փորձագետները կարծում են, որ իրանական հարվածները էական ազդեցություն չեն ունեցել ԱՄՆ զինված ուժերի ռմբակոծման առաքելություններ իրականացնելու կարողության վրա։