ՌԴ Պետդումայում կոշտ են արձագանքել Զելենսկու հրադադարի հայտարարությանը

Ռուսաստանի Պետդումայի պատգամավոր Անդրեյ Կարտապոլովը հայտարարել է, որ Ուկրաինայի նախագահ Զելենսկու խոսքերը հրադադարի մասին չեն կարող վստահություն ներշնչել։ Նրա մեկնաբանությունը հրապարակել է Life.ru-ն։

Պատգամավորի խոսքով՝ Կիևը իրականում չի պատրաստվում պահպանել հրադադարը, իսկ նման հայտարարությունները նա անվանել է «խաբեություն»։ Կարտապոլովը նշել է, որ Ռուսաստանի համար առաջնահերթությունը շարունակում է մնալ երկրի ղեկավարության հրահանգների կատարումը և անվտանգության ապահովումը։

Ավելի վաղ Ռուսաստանի նախագահ Վլադիմիր Պուտինը հայտարարել էր հրադադար՝ մայիսի 8-10-ը՝ Հաղթանակի օրվա միջոցառումների կապակցությամբ։ Դրանից հետո Ուկրաինայի նախագահ Զելենսկին ակնարկել էր Մոսկվայի շքերթին հնարավոր հարվածների մասին, սակայն ավելի ուշ հայտարարեց, որ մայիսի   6-ի կեսգիշերից Կիևը ևս հրադադար է մտցնում։