Նավթի համաշխարհային գները կտրուկ նվազել են

Համաշխարհային շուկայում Brent տեսակի նավթի գինը վերջին շաբաթների ընթացքում առաջին անգամ նվազել է 100 դոլարից ցածր՝ մեկ բարելի դիմաց։ Արժեքի անկումը կապված է ԱՄՆ-ի և Իրանի միջև հնարավոր համաձայնության սպասումների հետ։

Առևտրային տվյալների համաձայն՝ մայիսի 6-ին Brent նավթի գինը մի պահ հասել է 96,75 դոլարի՝ օրական կտրվածքով կորցնելով մոտ 10 տոկոս։ Ավելի ուշ գինը կրկին բարձրացել է 102 դոլարից վեր, սակայն շուկան շարունակում է մնալ անկայուն։

Axios-ի և Reuters-ի տվյալներով՝ Վաշինգտոնն ու Թեհրանը մոտ են կարճ հուշագրի համաձայնեցմանը, որտեղ կարող են ամրագրվել ռազմական լարվածության նվազեցման և միջուկային բանակցությունների շարունակման հիմնական պայմանները։ Միաժամանակ ԱՄՆ նախագահ Թրամփը շարունակում է սպառնալ Իրանին ավելի կոշտ հարվածներով, եթե Թեհրանը չընդունի առաջարկվող պայմանները։