25 միլիոն դոլարի ներդրում Վայոց ձորում․ Պապոյանը այցելել է Եղեգիս
Տնտեսություն
ՀՀ էկոնոմիկայի նախարար Գևորգ Պապոյանը մայիսի 6-ին, Վայոց ձորի մարզպետ Վահագն Արսենյանի հետ այցելել է Եղեգիս համայնք՝ Զբոսաշրջության և տարածաշրջանային ենթակառուցվածքների ծրագրի շրջանակում նախատեսված աշխատանքների մեկնարկը տեղում դիտարկելու նպատակով։
Այցին մասնակցել են նաև ՀՀ ԷՆ Զբոսաշրջության կոմիտեի նախագահ Լուսինե Գևորգյանը և Եղեգիս համայնքի ղեկավարի պարտականությունները կատարող Ահարոն Գաբրիելյանը։
Այցի ընթացքում նախարարը շրջել է համայնքում, ծանոթացել Եղեգիս կլաստերի շրջանակում նախատեսվող աշխատանքներին, քննարկել առկա խնդիրները և նախանշել հետագա քայլերը։ Նա հանդիպել է նաև մասնավոր հատվածի ներկայացուցիչների և գործարարների հետ՝ քննարկելով համայնքի զարգացման հեռանկարներն ու առաջիկա ծրագրերը։
Ծրագրի ընդհանուր բյուջեն կազմում է 120.5 մլն ԱՄՆ դոլար։ Վայոց ձորի մարզում ընդգրկված են Արենիի, Եղեգիսի և Ջերմուկի զբոսաշրջային կլաստերները, որոնց համար նախատեսվում է շուրջ 25 մլն ԱՄՆ դոլարի ներդրում։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
