«Բրիտանական Բիլ Գեյթսի» զբոսանավի խորտակման նոր մանրամասներ են բացահայտվել

Իտալական դատախազությունը հայտարարել է, որ միլիարդատեր Մայք Լինչին պատկանող Bayesian սուպերզբոսանավի խորտակումը պայմանավորված չի եղել միայն փոթորիկով։ Ինչպես հայտնում է «Metro»-ն, քննության նոր տվյալները ցույց են տալիս, որ ողբերգության հիմնական պատճառը կարող էին լինել անձնակազմի սխալները։

Քննիչների գնահատմամբ՝ 2024 թվականի օգոստոսին Սիցիլիայի ափերի մոտ տեղի ունեցած դեպքի ժամանակ եղանակային պայմանները վտանգավոր էին, սակայն ոչ այնքան, որ միայն դրանք հանգեցնեին աղետին։ Դատախազությունում նշել են, որ խոսքը ավելի շուտ ուժեղ քամու հանկարծակի պոռթկման մասին էր, ոչ թե ծայրահեղ փոթորկի։

Այժմ իտալացի դատախազները քննարկում են նավապետի և անձնակազմի երկու անդամների դեմ անզգուշությամբ սպանության և անփութության մեղադրանք առաջադրելու հնարավորությունը։ Bayesian զբոսանավը խորտակվել էր 2024 թվականի օգոստոսի 19-ին։ Աղետի հետևանքով զոհվել էին միլիարդատեր Մայք Լինչը, նրա դուստրը և ևս մի քանի ուղևորներ։