Ռուսաստանից հեռացած Toyota-ի վաճառքները երկրում կտրուկ աճել են

2026 թվականի առաջին չորս ամիսներին Ռուսաստանում վաճառվել է 9708 նոր Toyota ավտոմեքենա, ինչը գրեթե կրկնակի գերազանցում է նախորդ տարվա նույն ժամանակահատվածի ցուցանիշը։ Տվյալները հրապարակել է ավտոշուկայի վերլուծաբան Սերգեյ Ցելիկովը։

Նրա խոսքով՝ ճապոնական ապրանքանիշը ռուսական շուկայում վաճառքների ընդհանուր հաշվարկով զբաղեցրել է յոթերորդ տեղը, իսկ շուկայական մասնաբաժինը հասել է 2,5 տոկոսի։ Վերլուծաբանը նշել է, որ «յուրաքանչյուր 40-րդ գնորդը ընտրել է Toyota»։

Ամենապահանջված մոդելը դարձել է Toyota RAV4 քրոսովերը։ Բարձր վաճառքներ են գրանցել նաև Highlander և Camry մոդելները։ Ըստ հրապարակման՝ Ռուսաստան մատակարարված Toyota մեքենաների մեծ մասը արտադրված է Չինաստանում և երկիր է ներմուծվել զուգահեռ ներմուծման սխեմաներով՝ հիմնականում Ղրղզստանի տարածքով։