Մահացել է CNN-ի հիմնադիրը

87 տարեկան հասակում մահացել է CNN հեռուստաալիքի հիմնադիր Թեդ Թերները։ Տեղեկությունը հրապարակվել է հենց CNN-ի պաշտոնական կայքում։

Հեռուստաալիքի հայտարարության մեջ Թերներին անվանել են մեդիաարդյունաբերության նորարար և բարերար, ով հեղափոխություն է իրականացրել հեռուստալրատվության ոլորտում՝ ստեղծելով աշխարհում առաջին շուրջօրյա լրատվական ալիքը։

Թեդ Թերները համարվում էր ամերիկյան մեդիայի ամենաազդեցիկ գործիչներից մեկը։ Նրա հիմնադրած CNN-ը տարիներ շարունակ դարձել էր համաշխարհային լրատվության գլխավոր աղբյուրներից մեկը և մեծ ազդեցություն ունեցել միջազգային մեդիայի զարգացման վրա։