Bloomberg. ԱՄՆ-ը կարող է սկսել նավթ արդյունահանել իր ռազմական բազաների տակ

ԱՄՆ վարչակազմը ուսումնասիրում է ռազմական բազաների և Պենտագոնի այլ օբյեկտների տակ գտնվող նավթի պաշարները ռազմավարական պաշարները համալրելու հնարավորությունը, հաղորդում է Bloomberg-ը՝ հղում անելով աղբյուրներին։

Այս աղբյուրների համաձայն, վարչակազմը դիտարկում է այս քայլը՝ որպես Իրանի հետ զինված հակամարտության հետևանքով սպառված ռազմավարական նավթի պաշարները համալրելու ուղիների որոնման մաս։ Նշվում է, որ ռազմական բազաներում նավթի արտադրությունը անմիջական ազդեցություն չի ունենա էներգակիրների գների աճի վրա, սակայն դա թույլ կտա Վաշինգտոնին լիովին կառավարել արտադրվող վառելիքը և չապավինել մասնավոր արտադրողներից գնումներին։

ԱՄՆ երկրաբանական ծառայության տվյալներով՝ 2025 թվականի դրությամբ Պենտագոնի և այլ գործակալությունների սեփականություն հանդիսացող ԱՄՆ դաշնային հողերը պարունակում են մոտավորապես 29.4 միլիարդ բարել նավթի, ինչպես նաև 391 տրիլիոն խորանարդ ոտնաչափ (մոտավորապես 11 տրիլիոն խորանարդ մետր) բնական գազի պաշարներ։