Ուսպենսկայայի և Լյուսյա Չեբոտինայի սկանդալը կապել են «կանացի նախանձի» հետ

Ռուս պրոդյուսեր Սերգեյ Դվորցովը մեկնաբանել է երգչուհիներ Լյուսյա Չեբոտինայի և Լյուբով Ուսպենսկայայի միջև ծագած սկանդալը՝ հայտարարելով, որ դրա հիմքում «կանացի նախանձն» է։ Նրա խոսքով՝ կոնֆլիկտը մասամբ պայմանավորված է նաև երկու արտիստների տարիքային տարբերությամբ։

«Абзац»-ի փոխանցմամբ՝ Դվորցովը նշել է, որ Ուսպենսկայան արդեն երկար տարիներ բեմում է, մինչդեռ Չեբոտինան երիտասարդ, սիրված և հիթային երգերով հայտնի երգչուհի է։ Պրոդյուսերի խոսքով՝ շոու-բիզնեսում նման բախումները սովորական երևույթ են, քանի որ այնտեղ «բոլորը մշտապես պայքարում են միմյանց դեմ»։ Միևնույն ժամանակ նա խոստովանել է, որ Ուսպենսկայայի պահվածքը իրեն զարմացրել է, քանի որ Չեբոտինան նախկինում միշտ հարգանքով է խոսել նրա մասին։

Սկանդալը սկսվել էր այն բանից հետո, երբ Ուսպենսկայան Լյուսյա Չեբոտինայի մասնակցությամբ տեսանյութի տակ գրել էր. «Սարսափելի նյարդայնացնում է, չեմ կարողանում տանել»։ Երգչուհու մայրը, որը նաև նրա պրոդյուսերն է, արձագանքել էր գրառմանը՝ հեգնական շնորհակալություն հայտնելով Ուսպենսկայային «աջակցության» համար։ Ավելի ուշ Չեբոտինան հրապարակավ մեղադրել էր հայտնի երգչուհուն իր դեմ իրականացվող հալածանքի մեջ։