ԱՄՆ-ը, Ճապոնիան և Ֆիլիպինները համատեղ զորավարժությունների ընթացքում խորտակել են ռազմական նավ

ԱՄՆ-ի, Ֆիլիպինների և Ճապոնիայի ռազմածովային ուժերը Balikatan 2026 զորավարժությունների շրջանակում Լուսոնի նեղուցում խորտակել են շահագործումից դուրս բերված ֆիլիպինյան ռազմական նավ։ Այս մասին հայտնում է ռազմական թեմաներով մասնագիտացած TWZ պարբերականը։

Խորտակված նավը եղել է Ֆիլիպինների ռազմածովային ուժերի Rizal տիպի ֆրեգատը, որը ծառայությունից հանվել էր դեռ 2021 թվականին։ Նավի ոչնչացումը իրականացվել է համակցված հարվածների միջոցով։ Սկզբում կիրառվել է ամերիկյան HIMARS համակարգից արձակված հետախուզական GMLRS հրթիռ, որից հետո գործի են դրվել NMESIS և ֆիլիպինյան C-Star հակածովային հրթիռային համակարգերը։ Ավելի ուշ հարված է հասցվել նաև ճապոնական Type 88 հրթիռով։

TWZ-ի տվյալներով՝ վերջնական փուլում, երբ նավն արդեն խորտակվում էր, ամերիկյան HIMARS համակարգը նույն կոորդինատներին հասցրել է ևս մեկ հարված։ Զորավարժություններին մասնակցել են նաև Կանադայի թագավորական ռազմածովային ուժերը, սակայն նրանց կողմից կրակային գործողություններ չեն արձանագրվել։