Ռուսաստանը մսամթերքի արտահանումից վաստակել է 42 միլիոն դոլար

2026 թվականի առաջին երկու ամիսներին Ռուսաստանը զգալիորեն ավելացրել է պատրաստի մսամթերքի արտահանումը։ «Агроэкспорт»-ի տվյալներով՝ արտահանման ծավալները դրամական արտահայտությամբ աճել են 8 տոկոսով և հասել 42 միլիոն դոլարի։

ТАСС-ի փոխանցմամբ՝ այդ ընթացքում արտաքին շուկաներ է մատակարարվել շուրջ 13 հազար տոննա պատրաստի մսամթերք։ Ռուսաստանի հիմնական գնորդը դարձել է Ղազախստանը, որը գնել է 7,5 հազար տոննա արտադրանք՝ ծախսելով մոտ 22 միլիոն դոլար։ Բացի այդ, Մոնղոլիան ներմուծել է ավելի քան 800 տոննա ռուսական մսամթերք՝ մոտ 400 հազար դոլար արժողությամբ։

Միևնույն ժամանակ հաղորդվում է, որ 2026 թվականի փետրվարին Ռուսաստանը Չինաստան է արտահանել 14 միլիոն դոլարի սառեցված տավարի միս, ինչը դարձել է ամենաբարձր ցուցանիշը 2023 թվականի մայիսից ի վեր։ Այդ ֆոնին Բրազիլիայից Ռուսաստան հավի մսի մատակարարումները տարվա սկզբին կրճատվել են ավելի քան երկու անգամ։