Նեթանյահուն հայտարարել է, որ Իսրայելի բանակը մեկ ամսում ոչնչացրել է «Հեզբոլլահ»-ի 200 զինված արմատականների

Իսրայելի պաշտպանության ուժերը (ԻՊՈւ) մեկ ամսվա ընթացքում Լիբանանում սպանել են շիական «Հեզբոլլահ» շարժման ավելի քան 200 զինված արմատականների։ Այս մասին հայտարարել է Իսրայելի վարչապետ Բենիամին Նեթանյահուն իր գրասենյակի կողմից հրապարակված տեսաուղերձում։

«Մեկ ամսվա ընթացքում մենք սպանել ենք «Հեզբոլլահ»-ի ավելի քան 200 ահաբեկչի, որոնք գործել են Իսրայելի քաղաքացիների և ԻՊՈւ զինվորների դեմ», - ասել է Իսրայելի վարչապետը։

Նեթանյահուն նշել է, որ մայիսի 6-ին ԻՊՈւ-ն Բեյրութում սպանել է «Հեզբոլլահ»-ի «Ռադվան» հատուկ նշանակության ջոկատի հրամանատարին։ «Սա նույն բարձրաստիճան ահաբեկիչն է, որը ղեկավարել է Հյուսիսային Իսրայելը գրավելու ծրագիրը», - հայտարարել է վարչապետը։ Նա հավելել է, որ տղամարդը «մտածել է, որ կարող է շարունակել հարձակումները ղեկավարել Բեյրութում գտնվող իր գաղտնի ահաբեկչական շտաբից»։

«Նա (Ռադվանի հրամանատարը) հավանաբար մամուլում կարդացել է, որ Բեյրութում անձեռնմխելիություն ունի, բայց դա այլևս այդպես չէ», - հավելել է Նեթանյահուն։