Տեներիֆեն վախենում է COVID-19 բռնկման վերսկսումից՝ հանտավիրուսի պատճառով

Մադրիդի որոշումը՝ Թեներիֆեում ընդունել MV Hondius զբոսանավը, որի ուղևորների շրջանում հանտավիրուսի բռնկում էր գրանցվել, բողոքի ալիք է բարձրացրել տեղի բնակիչների շրջանում, ովքեր վախենում են COVID-19 համավարակի կրկնությունից, հաղորդում է Independent թերթը, որը զրուցել է կղզու բնակիչների հետ։

«Ես մտածեցի՝ «Ինչո՞ւ մենք»։ Իրավիճակի անորոշությունը բոլորի համար վախեցնող է։ Այն արթնացնում է COVID-19 համավարակի հիշողություններ։ Այդ ժամանակ մենք սարսափելի ժամանակներ անցկացրինք հիվանդանոցում», - թերթին ասել է տեղական վերակենդանացման բաժանմունքի բուժքույր Դավիդ Հերնանդեսը։

Նա նաև ընդգծել է, որ կղզու բնակչությունը համավարակի սկզբից ի վեր աճել է մոտ մեկ միլիոն մարդով, մինչդեռ վերակենդանացման բաժանմունքում «դեռևս կա 24 մահճակալ»։

«Ես մարդ եմ և հասկանում եմ, որ մենք բոլորս կարող էինք հայտնվել այդ զբոսանավում, բայց պետք է լինեն որոշակի արձանագրություններ։ Սա ուղղակի խելագարություն է», - բացատրել է նա իր դիրքորոշումը։