Գերմանիայի ԱԳ նախարարը չի բացառել Մերցի հնարավոր հեռախոսազանգը Պուտինին

Գերմանիայի արտաքին գործերի նախարար Յոհան Վադեֆուլը հայտարարել է, որ երկրի կանցլեր Ֆրիդրիխ Մերցը ապագայում կարող է հեռախոսազրույց ունենալ Ռուսաստանի նախագահ Վլադիմիր Պուտինի հետ։ Այդ մասին նա ասել է Bloomberg-ին տված հարցազրույցում։

Վադեֆուլի խոսքով՝ նման շփումը հնարավոր է, եթե ռուսական կողմից նկատվի բանակցությունների պատրաստակամություն։ «Եթե ինչ-որ պահի նման զանգը դառնա անհրաժեշտ և խելամիտ քայլ, կանցլերը, իհարկե, կարող է պատրաստ լինել դրան», — նշել է գերմանացի նախարարը։

Նա նաև ընդգծել է, որ Գերմանիան պատրաստ է ակտիվ մասնակցություն ունենալ Ուկրաինայի հարցով բանակցություններին «եվրոպական եռյակի» շրջանակում, որի կազմում են նաև Ֆրանսիան և Մեծ Բրիտանիան։ Ավելի վաղ Ռուսաստանի դեսպան Սերգեյ Նեչաևը հայտարարել էր, որ Գերմանիան արագացված տեմպերով ուժեղացնում է իր ռազմական ներուժը՝ պատրաստվելով հնարավոր դիմակայության Մոսկվայի հետ։