Երևանի 25 հասցեներում կոյուղատար համակարգերի հիմնանորոգման աշխատանքներ կիրականացվեն
Հայաստան
Երևանի 25 հասցեներում կոյուղատար համակարգերի հիմնանորոգման, ինչպես նաև 2 նոր կոյուղատար և 2 նոր հեղեղատար համակարգերի կառուցման աշխատանքներ կիրականացվեն: Երևանի ավագանին այսօրվա նիստում հավանություն տվեց որոշման նախագծին:
Երևանում գույքագրվել են կոյուղատար համակարգի բոլոր խնդրահարույց հատվածները, և ներկայիս աշխատանքային տեմպերի պահպանման դեպքում մայրաքաղաքում կոյուղատար համակարգի հիմնական խնդիրները հնարավոր կլինի լուծել մոտ 5-6 տարվա ընթացքում։
Քաղաքապետը նաև ընդգծեց, որ չնայած նրան, որ դա համայնքի պարտադիր գործառույթը չէ, առկա խնդիրներին լուծումներ տալու նպատակով Կառավարության գործընկերների աջակցությամբ սկսել են ծրագրեր իրականացվել։
Ավագանու մեկ այլ որոշմամբ Երևան համայնքին են վերադարձվել 112 մլն 635 հազար դրամ կադաստրային արժեք ունեցող անշարժ գույքեր՝ 2484քմ տարածքով, որոնք հիմնականում զբոսայգիների մեջ էին:
Որպես նվիրատվություն՝ որոշման նախագծով վերադարձվեց Նալբանդյան փողոցի 23/1, Իսահակյան 7, ինչպես նաև Իսահակյան 3/3, Իսահակյան 3/4, Իսահակյան 3/5 հասցեներում գտնվող անշարժ գույքերի սեփականության իրավունքները: Համայնք-մասնավոր գործակցության շրջանակում առկա շինությունների փոխարեն կձևավորվեն հանգստի հարմարավետ գոտիներ, և հանրային այս տարածքները կվերադարձվեն երևանցիներին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
