Բացահայտվել է iPhone 18-ի թողարկման հետաձգման իրական պատճառը

Apple ընկերությունը կարող է հետաձգել iPhone 18 սմարթֆոնի թողարկումը ոչ թե տեխնիկական խնդիրների, այլ վաճառքները մեծացնելու նպատակով։ Այդ մասին հայտնում է MacRumors-ը՝ հղում անելով հայտնի ինսայդեր Fixed Focus Digital-ին։

Ավելի վաղ մի շարք վերլուծաբաններ, այդ թվում՝ Մարկ Գուրմանը և Մին-Չի Կուոն, պնդել էին, որ iPhone 18-ը շուկա դուրս կգա ոչ թե 2026 թվականի աշնանը, այլ 2027-ի սկզբին։ Սկզբում դա կապվում էր Apple-ի ծալվող սմարթֆոնի հնարավոր ներկայացման հետ, սակայն նոր տվյալներով՝ ընկերությունը ցանկանում է առավելագույն շահույթ ստանալ iPhone 17 շարքի վաճառքներից։

Ըստ աղբյուրի՝ Apple-ը մեծացնում է iPhone 17-ի պաշարները՝ հաշվի առնելով տարվա վերջի խոշոր զեղչերն ու բարձր պահանջարկը։ Միաժամանակ շրջանառվող տեղեկություններով՝ iPhone 18-ը կարող է որոշ տեխնիկական առումներով զիջել նախորդ մոդելին և չառաջացնել նույն հետաքրքրությունը շուկայում։