Կատվատերերին զգուշացրել են բաց պատուհանների վտանգի մասին

Լենինգրադի մարզի պետական անասնաբուժական ծառայության մասնագետները կատվատերերին հիշեցրել են, որ բաց պատուհանները, հատկապես օդափոխության ռեժիմում, կարող են մահացու վտանգ ներկայացնել կենդանիների համար։ Այդ մասին հաղորդվել է կառույցի Telegram ալիքում։

Մասնագետների խոսքով՝ օդափոխության համար կիսաբաց պատուհանները հաճախ դառնում են ծուղակ կատուների համար։ Բացի այդ, սովորական մոծակապաշտպան ցանցերը չեն ապահովում անվտանգություն, քանի որ կենդանիները հեշտությամբ կարող են պոկել կամ հրել դրանք իրենց քաշով։

Անասնաբույժները խորհուրդ են տվել երբեք առանց հսկողության չթողնել բաց պատուհանները, օգտագործել հատուկ ամուր «անտիկատու» ցանցեր և տեղադրել սահմանափակիչներ, որպեսզի կենդանին չկարողանա ինքնուրույն բացել պատուհանը։ Նշվում է նաև, որ անհրաժեշտ է ապահովել պատշգամբների անվտանգությունը։

Եթե կատուն, այնուամենայնիվ, ընկել է պատուհանից, մասնագետները խորհուրդ են տալիս անմիջապես դիմել անասնաբույժի, քանի որ ներքին վնասվածքները կարող են սկզբում չերևալ, բայց լինել շատ վտանգավոր։