Ֆինլանդիայի դատարանը պաշտպանել է ռուսախոսների արժանապատվությունը

Ֆինլանդիայի Հարավային Կարելիայի դատարանը մեղավոր է ճանաչել մի տղամարդու, որը վիրավորել էր ռուսերեն խոսող երկու պատգամավորների։ Այդ մասին հայտնում է Yle լրատվամիջոցը։

Դատարանի որոշմամբ՝ 1954 թվականին ծնված տղամարդը մեղավոր է ճանաչվել պատիվն ու արժանապատվությունը վիրավորելու, ինչպես նաև թեթև մարմնական վնաս պատճառելու համար։ Տուժածների թվում են եղել Լապենրանտայի քաղաքային խորհրդի պատգամավոր, Հարավային Կարելիայի տարածաշրջանային խորհրդի պատգամավոր և նրանց կողքին գտնվող երկու երեխաներ։

Միջադեպը տեղի է ունեցել առևտրի կենտրոնի վերելակում, որտեղ տղամարդը ռուսերեն խոսող մարդկանց հասցեին օգտագործել է վիրավորական բառ, որն ունի ռուսախոսների նկատմամբ նվաստացուցիչ իմաստ։ Դատարանը նշել է, որ այդ արտահայտությունը կրում է էթնիկ ծագման հետ կապված բացասական և պատմականորեն վիրավորական ենթատեքստ։

Ավելի վաղ Ֆինլանդիայի նախագահ Ալեքսանդր Ստուբբը հայտարարել էր, որ ապագայում Եվրամիության երկրները ստիպված կլինեն վերականգնել հարաբերությունները Ռուսաստանի հետ։