Միացյալ Նահանգները սպառնացել է Կուբային նոր սահմանափակումներով

Միացյալ Նահանգները կշարունակի գործողություններ ձեռնարկել Կուբայի դեմ այնքան ժամանակ, մինչև հանրապետության իշխանությունները չիրականացնեն մի շարք քաղաքական և տնտեսական բարեփոխումներ, որոնք Վաշինգտոնը անհրաժեշտ կհամարի, հայտարարել է ԱՄՆ պետքարտուղար Մարկո Ռուբիոն։

«Մենք կշարունակենք գործողություններ ձեռնարկել Կուբայի դեմ մինչև ռեժիմը չիրականացնի բոլոր անհրաժեշտ քաղաքական և տնտեսական բարեփոխումները», - գրել է Ռուբիոն X-ում։

Պետքարտուղարի խոսքով՝ Վաշինգտոնը դեռևս կարծում է, որ ժամանակակից Կուբան սպառնալիք է ներկայացնում տարածաշրջանում ԱՄՆ ազգային անվտանգության համար։

Մայիսի 7-ին Միացյալ Նահանգները պատժամիջոցներ կիրառեց GAESA կոնգլոմերատի նկատմամբ, որը, ըստ ԱՄՆ կառավարության, վերահսկում է Կուբայի տնտեսության մոտ 40%-ը, ինչպես նաև այս կազմակերպության ղեկավարի և կղզի-պետությունում նիկելի արդյունահանման համատեղ ձեռնարկության նկատմամբ։

Սահմանափակումները կիրառվում են Կուբայի դեմ միակողմանի պատժամիջոցների ռեժիմը կտրուկ խստացնող գործադիր հրամանագրի հիման վրա, որը ստորագրել է ԱՄՆ նախագահ Դոնալդ Թրամփը մայիսի 1-ին։ Հրամանը փորձում է Կուբայի դեմ ԱՄՆ սահմանափակող միջոցառումներին հաղորդել էքստրատարածքային բնույթ։ Այնտեղ նշվում է, որ սահմանափակումները կարող են ազդել նաև երրորդ երկրների վրա։