Տակաիչի. Ճապոնիան դարձել է օտարերկրյա հետախուզական գործակալությունների դիվերսիոն գործունեության թիրախ

Ճապոնիայի վարչապետ Սանաե Տակաիչին կոչ է արել արագ ընդունել լրտեսության դեմ ուղղված օրենսդրությունը՝ պնդելով, որ որոշակի օտարերկրյա կազմակերպություններ ակտիվորեն դիվերսիոն գործունեություն են ծավալում երկրում։

Նա ելույթ է ունեցել խորհրդարանի վերին պալատի լիագումար նիստում, որտեղ սկսվել են Ազգային հետախուզական խորհրդի և Ազգային հետախուզական գործակալության (ԱԱԳ) ստեղծման օրինագծի քննարկումները։

«Արտասահմանյան հետախուզական գործակալությունները ակտիվորեն դիվերսիոն գործողություններ են իրականացնում մեր երկրի դեմ։ Մենք կանգնած ենք նման անօրինական միջամտությունը կանխելու մեխանիզմ պատրաստելու հրատապ խնդրի առջև», - ասել է վարչապետը։

Նա պնդել է, որ որոշակի օտարերկրյա հետախուզական գործակալություններ փորձում են ազդել ճապոնական ընտրությունների վրա՝ տարածելով կեղծ տեղեկատվություն։ Այս առումով նա ընդգծել է ճապոնական հետախուզական գործակալությունների ամրապնդման կարևորությունը։