Tasnim. Իրանը պնդում է, որ Հորմուզի նեղուցի մոտ հարձակվել է ամերիկյան երեք ականակիրների վրա

Իրանի ռազմածովային ուժերը Հորմուզի նեղուցի մոտակայքում հարձակվել են ամերիկյան երեք ականակիրների վրա, հաղորդում է Tasnim լրատվական գործակալությունը։

Իր աղբյուրների համաձայն՝ ամերիկյան նավերը ներկայումս շարժվում են դեպի Օմանի ծոց։ Պատճառված վնասի մասին տեղեկություններ չկան, սակայն գործակալությունը նշում է, որ ականակիրները «հրթիռներով և կամիկաձե անօդաչու թռչող սարքերով հարձակման են ենթարկվել»։

Ավելի վաղ Իրանի պետական ​​հեռուստատեսությունը հայտարարել էր, որ Իսլամական Հանրապետությունը հարված է հասցրել Հորմուզի նեղուցում գտնվող ամերիկյան ուժերին՝ ի պատասխան իրանական տանկերի վրա հարձակման։

Պետական ​​հեռուստատեսության աղբյուրները պնդում էին, որ ԱՄՆ ռազմաօդային ուժերը «կորուստներ կրելուց հետո ստիպված են եղել նահանջել»։