Բացահայտվել է Նիկոլ Քիդմանի շքեղ մատանու արժեքը Met Gala-ից

Հոլիվուդյան դերասանուհի Նիկոլ Քիդմանի կրած շքեղ մատանին Met Gala բարեգործական երեկոյից հետո հայտնվել է լրատվամիջոցների ուշադրության կենտրոնում։ Daily Mail-ի փոխանցմամբ՝ զարդի արժեքը հասել է 660 հազար դոլարի, ինչը համարժեք է մոտ 49 միլիոն ռուբլու։

58-ամյա աստղը միջոցառմանը ներկայացել է Chanel նորաձև տան կարմիր երկար զգեստով, որը զարդարված էր փայլերով և փետուրներով։ Իր կերպարը նա լրացրել է նույն բրենդի խոշոր մատանիով՝ գունավոր թանկարժեք քարերով։ Դերասանուհին նաև կրել է էլեգանտ ականջօղեր, իսկ ամբողջ կերպարը ավարտին է հասցրել բաց թողած մազերով և նուրբ դիմահարդարմամբ։

Ավելի վաղ հայտնի էր դարձել նաև, որ երգչուհի Բեյոնսեի կրած վզնոցի արժեքը Met Gala-ի ընթացքում կազմել է շուրջ 3,7 միլիարդ ռուբլի։ Երգչուհին միջոցառմանը մասնակցել էր որպես երեկոյի համանախագահ՝ ներկայանալով ֆրանսիացի դիզայներ Օլիվյե Ռուստենի հեղինակած կերպարով։