Լատվիան բողոք է հայտնել Ռուսաստանին ուկրաինական ԱԹՍ-ների հետ կապված միջադեպից հետո

Լատվիայի արտաքին գործերի նախարարությունը կանչել է Ռուսաստանի գործերի ժամանակավոր հավատարմատար Դմիտրի Կասատկինին ուկրաինական անօդաչու թռչող սարքերի հետ կապված միջադեպից հետո, հաղորդում է նախարարության մամուլի ծառայությունը։

Մամուլի ծառայության տվյալներով՝ Կասատկինին բողոքի նոտա է հանձնվել։ Լատվիայի արտաքին գործերի նախարարությունը ընդգծել է, որ Ուկրաինայում հակամարտությունը անվտանգության միջադեպերի ռիսկ է ստեղծում ամբողջ տարածաշրջանի համար։

Միևնույն ժամանակ, Լատվիայի նախարարությունը պարզաբանել է, որ Ռիգան երբեք թույլ չի տվել իր օդային տարածքն օգտագործել Ռուսաստանի տարածքում անօդաչու թռչող սարքերի հարվածների համար։