«Ներում չի լինելու». Լավրով

Ռուսաստանի արտգործնախարար Սերգեյ Լավրովը հայտարարել է, որ արևմտյան ուժերը Ուկրաինայի միջոցով փորձում են խափանել Ռուսաստանում Հաղթանակի օրվա տոնակատարությունները։ РИА Новости-ի փոխանցմամբ՝ նա այդ մասին խոսել է պաշտոնական միջոցառման ժամանակ՝ կոշտ հայտարարություններով դիմելով Արևմուտքին։

Լավրովի խոսքով՝ Մոսկվան չի պատրաստվում ներողամտություն ցուցաբերել այն ուժերի նկատմամբ, որոնք կանգնած են նման գործողությունների հետևում։ «Ուզում եմ ամբողջ պատասխանատվությամբ ասել՝ եթե շարունակվի այն, ինչ այսօր Արևմուտքում վերածնվող նացիստները անում են Ուկրաինայի միջոցով, ներում նրանց չի լինելու», — հայտարարել է Ռուսաստանի արտգործնախարարը։

Ավելի վաղ Լավրովը նաև նշել էր, որ Ռուսաստանը պետք է վերացնի Ուկրաինայի տարածքից եկող բոլոր սպառնալիքները, որոնք վտանգում են երկրի ազգային անվտանգությունը։ Հիշեցնենք, որ մայիսի 8-ի կեսգիշերից ուժի մեջ է մտել Ռուսաստանի նախագահ Վլադիմիր Պուտինի հայտարարած հրադադարը, որը նախատեսված է մինչև մայիսի 10-ը և կապված է Հայրենական մեծ պատերազմում հաղթանակի 81-ամյակի միջոցառումների հետ։