Ռուսաստանը հայտնել է՝ մեկ օրում խոցել է «Ֆլամինգո» տիպի վեց հրթիռ

Ռուսաստանի պաշտպանության նախարարությունը հայտարարել է, որ վերջին մեկ օրվա ընթացքում հատուկ ռազմական գործողության գոտում հակաօդային պաշտպանության համակարգերը խոցել են մեծ հեռահարության «Ֆլամինգո» տեսակի վեց թևավոր հրթիռ։ Տվյալները ներկայացվել են գերատեսչության ամենօրյա բրիֆինգի ընթացքում։

Ռուսական կողմի փոխանցմամբ՝ մեկ օրվա ընթացքում նաև ոչնչացվել է 44 կառավարվող ավիացիոն ռումբ, 18 HIMARS համազարկային հրթիռային համակարգի արկ և «Նեպտուն» տեսակի վեց հեռահար կառավարվող հրթիռ։ Պաշտպանության նախարարությունը հայտնել է նաև, որ խոցվել է ինքնաթիռային տիպի ընդհանուր 4385 անօդաչու թռչող սարք։

Միաժամանակ ավելի վաղ հաղորդվել էր, որ Ռոստովի մարզի Չալտիր գյուղում ուկրաինական անօդաչու սարքերի բեկորների հետևանքով վնասվել է ավելի քան 20 առանձնատուն։ Իսկ Ռոստովի Պերվոմայսկի շրջանում ուկրաինական հարձակման պատճառով հրդեհվել է չորսհարկանի վարչական շենք։ Նախնական տվյալներով՝ տուժածների մասին տեղեկություններ չեն հաղորդվել։