ԱՄՆ զինված ուժերը լազերներ կտեղակայեն հինգ բազաներում

ԱՄՆ զինված ուժերը ուղղորդվող էներգիայի զենքեր, այդ թվում՝ լազերներ և միկրոալիքային համակարգեր, կտեղակայեն հինգ ռազմական բազաներում՝ անօդաչու թռչող սարքերից (ԱԹՍ) պաշտպանվելու համար, հայտարարել է Պենտագոնի մամուլի ծառայությունը։

Անօրինական անօդաչու թռչող սարքերի թռիչքներից պաշտպանվելու փորձնական նախագծի շրջանակներում զենքերը կտեղակայվեն Քիթսափի ռազմածովային ավիաբազայում (Վաշինգտոն), Ֆորտ Բլիսի (Տեխաս), Ֆորտ Հուաչուկայի (Արիզոնա) ռազմաօդային ուժերի բազաներում, Գրանդ Ֆորքսի ռազմաօդային բազայում (Հյուսիսային Դակոտա) և Ուայթմենի ռազմաօդային բազայում (Միսսուրի)։ Համակարգերի տեղադրումը նախատեսվում է ավարտել վեց ամսվա ընթացքում։

«Այս տեխնոլոգիան թույլ է տալիս զինվորականներին խափանել և չեզոքացնել անօրինական կամ թշնամական անօդաչու թռչող սարքերի գործունեությունը՝ նվազագույն ռիսկով շրջակա տարածքների և ենթակառուցվածքների համար», - ասվում է ԱՄՆ պաշտպանության նախարարության հայտարարության մեջ։

Stars and Stripes թերթի համաձայն, ԱՄՆ Հյուսիսային հրամանատարությունը, որը պատասխանատու է երկրի բազաների մեծ մասի համար, 2025 թվականի հոկտեմբերին հայտարարել է, որ անօդաչու թռչող սարքերի ներխուժումը ռազմական օբյեկտների օդային տարածք տեղի է ունենում գրեթե ամեն օր։