Հորմուզի նեղուցում հարձակման է ենթարկվել չինական անձնակազմով նավը
Աշխարհ
Հորմուզի նեղուցում հարձակման է ենթարկվել չինական անձնակազմով նավը։ Զոհերի կամ վիրավորների մասին տեղեկություններ չկան, ուրբաթ օրը ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Լին Ցզյանը։
Չինական լրատվամիջոցները նախկինում հաղորդել էին, որ երկուշաբթի օրը Հորմուզի նեղուցի մուտքի մոտ հարձակման է ենթարկվել չինական տանկեր, որի հետևանքով տախտակամածում հրդեհ է բռնկվել։
«Հասանելի տեղեկությունների համաձայն՝ հարձակման ենթարկված նավը գրանցված էր Մարշալյան կղզիներում և նավի վրա չինացի անձնակազմի անդամներ էին։ Այս պահին անձնակազմի անդամների շրջանում զոհերի կամ վիրավորների մասին տեղեկություններ չկան», - ասաց Լին Ցզյանը։
Դիվանագետը շեշտեց, որ Հորմուզի նեղուցն օգտագործվում է միջազգային նավագնացության համար, և Չինաստանը խորապես մտահոգված է, որ հակամարտության հետևանքով տուժել են բազմաթիվ նավեր և անձնակազմի մեծ թվով անդամներ։
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
