Լատվիան բողոքի նոտա է հանձնել Ռուսաստանին

Լատվիայի արտգործնախարարությունը բողոքի նոտա է հանձնել Ռուսաստանին՝ Ռեզեկնե քաղաքում նավթաբազայի տարածքում անօդաչու սարքի ընկնելու միջադեպից հետո։ Այս մասին հայտնում է РИА Новости-ն՝ հղում անելով լատվիական LSM լրատվամիջոցին։

Տեղեկությունների համաձայն՝ Լատվիայի ԱԳՆ է հրավիրվել Ռուսաստանում գործերի ժամանակավոր հավատարմատար Դմիտրի Կասատկինը, որին փոխանցվել է պաշտոնական բողոքի նոտան։ Նշվում է, որ անօդաչու սարքը ընկել է նավթամթերքների պահպանման օբյեկտի տարածքում։ Լատվիայի պաշտպանության նախարար Անդրիս Սպրուդսը հայտարարել է, որ դրոնը կարող էր լինել ուկրաինական։

Միաժամանակ պաշտոնական տվյալներ կամ ապացույցներ այն մասին, որ անօդաչու սարքը Լատվիայի տարածք է մուտք գործել Ռուսաստանի կողմից, դեռ չեն ներկայացվել։ Միջադեպը տեղի է ունեցել այն ֆոնին, երբ Ռուսաստանի հայտարարած հրադադարից հետո Ուկրաինայի զինված ուժերը իրականացրել էին լայնածավալ հարվածներ տարբեր ուղղություններով։