Vogue-ը ներկայացրել է 2026 թվականի գարուն-ամառ սեզոնի գլխավոր թրենդները

Vogue ամսագրի խմբագիրները ներկայացրել են 2026 թվականի գարուն-ամառ սեզոնի ամենաթրենդային հագուստներն ու աքսեսուարները։ Ամսագրի տվյալներով՝ նորաձևության աշխարհում մեծ պահանջարկ են ստացել ջրային սպորտի հանդերձանքից ոգեշնչված կերպարները։

Խոսքը վերաբերում է սուզահագուստի ոճով ստեղծված հագուստներին, ինչպես նաև լողի ակնոցներին և դիմակներին, որոնք արդեն ներառվել են Chloe, Loewe և Rabanne բրենդների նոր հավաքածուներում։ Vogue-ի գնահատմամբ՝ այս ուղղությունը դարձել է սեզոնի ամենաարտահայտիչ թրենդներից մեկը։

Բացի այդ, 2026 թվականի ամռանը նորաձև են համարվում նաև շարֆերից պատրաստված կիսաշրջազգեստներն ու տոպերը, «երկրորդ մաշկ» ոճի զգեստները և մինի երկարության հագուստները, այդ թվում՝ կարճ շորտերը։ Ավելի վաղ Vogue-ը ներկայացրել էր նաև 2026 թվականի ամռան ամենաթրենդային զգեստների ցանկը։