Apple-ը կարող է հրաժարվել ամենաէժան Mac համակարգիչներից

Apple ընկերությունը կարող է դադարեցնել ամենաէժան համակարգիչների արտադրությունը։ Այս մասին հայտնում է The Verge-ը՝ հղում անելով վերլուծաբան Թիմ Կալպանին։

Հրատարակության տվյալներով՝ Apple-ը վերջերս վաճառքից հանել է 256 գիգաբայթ հիշողությամբ Mac mini մոդելը, որի արժեքը կազմում էր 599 դոլար։ Այժմ սարքի նվազագույն գինը բարձրացել է մինչև 799 դոլար։ The Verge-ը ենթադրում է, որ ընկերությունը կարող է նույն կերպ դադարեցնել նաև բյուջետային MacBook Neo մոդելի հիմնական տարբերակի վաճառքը։

Վերլուծաբան Թիմ Կալպանի խոսքով՝ Apple-ը պատրաստվում է նոր պրոցեսորներ ձեռք բերել MacBook Neo-ի համար, սակայն ընկերությունը, հավանաբար, կհրաժարվի 256 գիգաբայթ հիշողությամբ տարբերակից և կթողնի միայն 512 գիգաբայթ կամ ավելի մեծ ծավալով մոդելները։ Պատճառների թվում նշվում են հիշողության բաղադրիչների ճգնաժամը և ծախսերի կրճատման քաղաքականությունը։ The Verge-ը նաև գրում է, որ մատչելի MacBook Neo-ն արդեն դարձել է դեֆիցիտային, և ԱՄՆ-ում պատվերի առաքումը կարող է տևել մինչև երեք շաբաթ։

Ավելի վաղ Թիմ Կալպանը հայտարարել էր, որ Apple-ի մոտ ավարտվել են այն պրոցեսորների պաշարները, որոնք նախկինում օգտագործվում էին MacBook Neo-ում և չէին համապատասխանում iPhone սմարթֆոնների պահանջներին։