Եվրոպայում կրկին խոսել են ռուսական ակտիվների՝ Ուկրաինա փոխանցման մասին

Նիդեռլանդները ձգտում է վերսկսել բանակցությունները մինչև 210 միլիարդ եվրո արժողությամբ ռուսական սառեցված ակտիվների օգտագործման վերաբերյալ՝ 2027 թվականին Ուկրաինային օգնելու համար։ Այս մասին հաղորդում է Politico-ն։

Վեց դիվանագետներ և ԵՄ պաշտոնյաներ հայտնել են, որ Նիդեռլանդների ֆինանսների նախարար Էելկո Հայնենը Բրյուսելում կայացած փակ հանդիպման ժամանակ քննարկել է ռուսական ակտիվների հարցը և ապահովել է իր եվրոպացի գործընկերների աջակցությունը։

Հրապարակումը գրում է, որ ԵՄ դիվանագետներն ու պաշտոնյաները պատրանքներ չունեն, որ Կիևին ավելի շատ գումար կպահանջվի Ռուսաստանի դեմ հակամարտությունը շարունակելու համար, և Նիդեռլանդները, սկանդինավյան երկրների հետ միասին, կարծում են, որ անհրաժեշտ է վերսկսել ռուսական սառեցված ակտիվների օգտագործման վերաբերյալ քննարկումը։