Ռուսաստանին հեռացրել են Լրագրողների միջազգային ֆեդերացիայից

Լրագրողների միջազգային ֆեդերացիան (ԼՄՖ) Ռուսաստանի լրագրողների միությանը (ՌԼՄ) վերջնականապես հեռացրել է իր կազմից: Այդ մասին մայիսի 8-ին հայտնել է ռուսական կազմակերպության մամուլի ծառայությունը։ Նրա տվյալներով՝ բացառման պաշտոնական առիթ է դարձել 2022 թվականին Ուկրաինայի Զապորոժիեի և Խերսոնի մարզերում ՌԼՄ բաժանմունքների բացումը։

«Ռուսաստանի լրագրողների միությունը Լրագրողների միջազգային ֆեդերացիայի այդ որոշումը համարել է քաղաքականապես մոտիվացված, մասնագիտորեն անհիմն»,- ասվում է հայտարարության մեջ: Կազմակերպությունը, սակայն, մտադիր չէ բողոքարկել միջազգային մարմնի որոշումը, որը կայացվել է Փարիզում՝ ԼՄՖ-ի կոնգրեսում: Ռուսաստանը նախապես իր դիրքորոշումը հայտնել էր միջազգային լրագրողական կազմակերպություններին և նաև մատնանշել էր ֆեդերացիայի կանոնադրական սկզբունքների խախտումները:

Լրագրողների միջազգային ֆեդերացիան, որի գլխավոր գրասենյակը գտնվում է Բրյուսելում, հիմնադրվել է 1926 թվականին։ Այն լրատվամիջոցների աշխատողների աշխարհի ամենամեծ կազմակերպությունն է, որը միավորում է 187 միավորում ավելի քան 140 երկրում։