ԱՄՆ-ն հայտարարել է Օմանի ծոցում իրանական երեք տանկերների շարքից հանելու մասին
Աշխարհ
ԱՄՆ զինված ուժերը շարքից հանել են Օմանի ծոցի իրանական նավահանգիստներ մտնել փորձող երեք իրանական նավթատարներ։ Այս մասին հայտնել է ԱՄՆ կենտրոնական հրամանատարությունը (CENTCOM):
Հրամանատարության տվյալներով՝ մայիսի 8-ին ԱՄՆ ուժերը շարքից հանել են Sea Star III և Sevda տանկերները, նախքան նավերի մուտքը Օմանի ծոցի իրանական նավահանգիստ: «USS George H.W. Bush ավիակիր F/A-18 Super Hornet-ը ճշգրիտ հարվածներ է հասցրել երկու տանկերների ծխնելույզներին՝ կանխելով խախտող նավերի մուտքը Իրան», – ասվում է հայտարարության մեջ։
CENTCOM-ը նաև հայտնել է, որ մայիսի 6-ին ԱՄՆ ուժերը շարքից հանել են իրանական Hasna տանկերը: Հրամանատարության տվյալներով՝ USS Abraham Lincoln ավիակիր F/A-18 Super Hornet-ը մի քանի 20 մմ թնդանոթային կրակոցներով վնասել է նավի ղեկային համակարգը։
«Երեք նավերն էլ այլևս չեն ուղևորվում դեպի Իրան», – հավելել է CENTCOM-ը։
ԱՄՆ զինված ուժերը ապրիլի 13-ին սկսել են Իրանի ծովային շրջափակումը։ ԱՄՆ կենտրոնական հրամանատարությունը հայտարարել է, որ մտադիր է արգելափակել Իսլամական Հանրապետության նավահանգիստներ ուղևորվող բոլոր նավերի, ինչպես նաև նրա ափերից հեռանալ փորձող նավերի տեղաշարժը։
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
