Պուտինը հայտարարել է, որ նացիզմի հերոսացումը պետք է խստորեն կանխվի

Ռուսաստանի նախագահ Վլադիմիր Պուտինը հայտարարել է, որ Երկրորդ համաշխարհային պատերազմի պատմության կեղծման և նացիզմի հերոսացման ցանկացած փորձ պետք է խստորեն կանխվի։ Նա այս մասին ասել է Հաղթանակի օրվան նվիրված պաշտոնական ընդունելության ժամանակ, հայտնում է ТАСС-ը։

Պուտինի խոսքով՝ կարևոր է վճռականորեն պայքարել ինչպես նացիստների, այնպես էլ նրանց համագործակիցների հերոսացման դեմ։ «Կարևոր է խստորեն կանխել Երկրորդ համաշխարհային պատերազմի իրադարձությունների կեղծման, նացիստների և կոլաբորացիոնիստների հերոսացման փորձերը», — հայտարարել է Ռուսաստանի նախագահը՝ ընդգծելով, որ նրանց խղճին միլիոնավոր խաղաղ բնակիչների մահն է։

Ռուսաստանի նախագահը նաև նշել է, որ յուրաքանչյուրի պարտքն է թույլ չտալ արդարացնել ԽՍՀՄ քաղաքացիների ցեղասպանությունն ու նացիստական հանցագործների իրականացրած մյուս հանցագործությունները։ Հիշեցնենք, որ Հաղթանակի 81-րդ տարեդարձին նվիրված շքերթից հետո Պուտինը և արտասահմանյան պատվիրակությունների ղեկավարները ծաղիկներ էին դրել Մոսկվայի Ալեքսանդրյան այգում գտնվող Անհայտ զինվորի գերեզմանին։