Պեսկովը հույս է հայտնել, որ Գերմանիայում դեռ կան «սթափ մտածող» քաղաքական գործիչներ

Կրեմլի խոսնակ Դմիտրի Պեսկովը հայտարարել է, որ հույս ունի՝ ժամանակակից Գերմանիայում դեռ կան քաղաքական գործիչներ, որոնք հիշում են Խորհրդային Միության ներդրումը նացիզմի դեմ հաղթանակում և պահպանել են «սթափ մտածողությունը»։ Նրա խոսքերը հրապարակվել են լրագրող Պավել Զարուբինի հետ զրույցում։

Պեսկովի խոսքով՝ ցավալի է, որ ներկայիս գերմանական քաղաքական սերունդը բացահայտ չի խոսում Երկրորդ համաշխարհային պատերազմում ԽՍՀՄ-ի ունեցած կարևոր դերի մասին։ Նրա կարծիքով՝ նման վերաբերմունքը «չի գեղեցկացնում Գերմանիային»։

«Կուզենայի հուսալ, որ այնտեղ դեռ կան մարդիկ, որոնք պահպանում են սթափ մտածողությունը և պատրաստ են արժանին մատուցել պատմությանը ու այն մարդկանց սխրանքին, որոնք գերմանացի հակաֆաշիստների հետ միասին փրկել են այդ երկիրը “շագանակագույն ժանտախտից”», — հայտարարել է Կրեմլի ներկայացուցիչը։

Ավելի վաղ Դմիտրի Պեսկովը նշել էր, որ Գերմանիան կանգնել է «վտանգավոր ուղու» վրա՝ մոռանալով նացիզմի դեմ հաղթանակ տարած ժողովուրդներին և Հայրենական մեծ պատերազմի հերոսներին։