Արգենտինայում հանտավիրուսի դեպքերը կտրուկ աճել են․ մասնագետները մեղադրում են կլիմայական փոփոխություններին

Արգենտինայում վերջին մեկ տարվա ընթացքում հանտավիրուսի դեպքերը գրեթե կրկնապատկվել են, իսկ մահերի թիվը հասել է 32-ի։ Այս մասին հայտնում է   CNN-ը՝ հղում անելով երկրի առողջապահության նախարարությանը։

2025 թվականի հունիսից սկսված ընթացիկ սեզոնի ընթացքում երկրում արդեն հաստատվել է հանտավիրուսի 101 դեպք, մինչդեռ նախորդ տարվա նույն ժամանակահատվածում այդ թիվը կազմել էր 57։ Մասնագետները նշում են, որ այս տարի ոչ միայն դեպքերի թիվն է աճել, այլև մահացության մակարդակը։ Ֆոնին Արգենտինայի իշխանությունները փորձում են պարզել նաև MV Hondius զբոսանավում արձանագրված բռնկման աղբյուրը, որի հետևանքով մահացել էր Նիդեռլանդներից մի զույգ։ Կասկածվում է, որ նրանք մինչ նավ բարձրանալը եղել են Արգենտինայի տարբեր շրջաններում և կարող էին այնտեղ վարակվել։

Մասնագետների կարծիքով՝ վիրուսի տարածման հիմնական պատճառներից մեկը կլիմայական փոփոխություններն ու շրջակա միջավայրի վատթարացումն են։ Հանտավիրուսը սովորաբար փոխանցվում է վարակված կրծողների արտաթորանքների կամ մեզի հետ շփման արդյունքում։ Փորձագետները նշում են, որ ջերմաստիճանի բարձրացումը, երաշտները, ուժեղ անձրևները և անտառային հրդեհները փոխում են կրծողների տարածման գոտիները, ինչի հետևանքով վիրուսն սկսում է հայտնվել նոր շրջաններում։ Արգենտինայի առողջապահության նախարարությունը հայտարարել է, որ հատուկ խմբեր կուղարկվեն վտանգավոր շրջաններ՝ կրծողներին որսալու և հետազոտելու նպատակով։