Թուրքիայի տնտեսությունը զգալի ճնշման տակ է հայտնվել ԱՄՆ-Իրան հակամարտության պատճառով

Թուրքիան կախված է արտաքին էներգակիրներից, և նրա տնտեսությունը զգալի ճնշման տակ է հայտնվել Մերձավոր Արևելքում հակամարտության ֆոնին, հաղորդում է ՌԻԱ Նովոստին՝ հղում անելով թուրքական կառավարության աղբյուրին։

«Մերձավոր Արևելքում ցանկացած անկայունություն անմիջականորեն ազդում է Թուրքիայի վրա՝ նավթի և գազի գների, ինչպես նաև լոգիստիկ ռիսկերի միջոցով», - բացատրել է աղբյուրը։

Ըստ աղբյուրի՝ Անկարայի բարձր կախվածությունը ներմուծվող գազից և նավթից մնում է թուրքական տնտեսության հիմնական թույլ կողմերից մեկը։ Համաշխարհային էներգակիրների գների աճը ազդում է երկրում գնաճի, ինչպես նաև արտադրության ծախսերի և լիրայի փոխարժեքի վրա։