Չինաստանը ձգտում է ՌԴ-ի հետ բարիդրացիական հարաբերությունների ամրապնդմանը. ՉԺՀ ԱԳՆ

Չինաստանի ԱԳՆ խոսնակ Գուո Ցզյակունի խոսքով՝ Չինաստանը հանձնառու է Ռուսաստանի հետ բարիդրացիական հարաբերությունների ամրապնդմանը և բոլոր ոլորտներում ռազմավարական գործընկերության զարգացմանը, գրում է ՏԱՍՍ-ը։

«Չինաստանը պատրաստ է Ռուսաստանի հետ միասին շարունակել առաջնորդվել բարիդրացիական հարաբերությունների, բարեկամության, համապարփակ ռազմավարական գործընկերության, փոխշահավետ համագործակցության և ընդհանուր շահերի ոգով, անընդհատ ամրապնդել համագործակցությունը բոլոր ոլորտներում և նպաստել համաշխարհային կառավարման ավելի արդար և ողջամիտ համակարգի կառուցմանը», - ասել է նա ճեպազրույցի ժամանակ՝ մեկնաբանելով Ռուսաստանի նախագահ Վլադիմիր Պուտինի մայիսի 9-ին լրագրողների հետ հանդիպման ժամանակ Մոսկվա-Պեկին հարաբերությունների վերաբերյալ արված հայտարարությունը։

Արտգործնախարարության խոսնակը պարզաբանել է, որ նոր դարաշրջանում գործընկերության խորացման ֆոնին երկու երկրներն էլ առաջ են մղում համագործակցությունը Չինաստանի նախագահ Սի Ծինփինի և Ռուսաստանի նախագահ Պուտինի ղեկավարությամբ։ Դիվանագետը նշել է երկկողմ հարաբերությունների բարձր մակարդակը, որոնք հանդես են գալիս որպես «հզոր կայունացնող ուժ հակասություններով և ցնցումներով լի աշխարհում»։