«MV Hondius» նավում հանտավիրուսի բռնկումից հետո ՄԱԿ-ը հայտարարություն է տարածել

ՄԱԿ-ի գլխավոր քարտուղար António Guterres-ը հայտարարել է, որ հանտավիրուսի բռնկման հետևանքով հասարակության համար ընդհանուր վտանգը շարունակում է մնալ ցածր։ Նա X սոցիալական հարթակում նշել է, որ իրավիճակը վերահսկելի է, սակայն անհրաժեշտ է ուժեղացնել միջազգային համագործակցությունը՝ բոլորի անվտանգությունն ապահովելու համար։

Գուտերեշը հատուկ անդրադարձել է MV Hondius զբոսաշրջային նավին, որտեղ արձանագրվել էր վիրուսի բռնկումը։ Նրա խոսքով՝ միջազգային կառույցներն ու տարբեր երկրների կառավարությունները պետք է շարունակեն համատեղ աշխատանքը՝ ուղևորների և անձնակազմի անվտանգությունը պահպանելու նպատակով։ Նա նաև աջակցություն է հայտնել այն երկրներին, որոնք ներգրավված են իրավիճակի վերահսկման գործընթացում։

Հայտնի էր դարձել, որ Արգենտինայից դեպի Կաբո Վերդե ուղևորվող նավում գրանցվել է հանտավիրուսի բռնկում, որի հետևանքով մահացել է երեք մարդ։ Միևնույն ժամանակ Ռուսաստանի սպառողների իրավունքների պաշտպանության ծառայությունը հայտարարել է, որ վիրուսը ներկայումս վտանգ չի ներկայացնում Ռուսաստանի բնակչության համար։