Dua Lipa-ն 15 միլիոն դոլարի հայց է ներկայացրել Samsung-ի դեմ

Բրիտանացի երգչուհի Դուա Լիպան 15 միլիոն դոլարի դատական ​​հայց է ներկայացրել Samsung-ի դեմ՝ մեղադրելով նրան իր կերպարի անօրինական օգտագործման մեջ, հաղորդում է People ամսագիրը՝ հղում անելով դատական ​​փաստաթղթերին։

Կալիֆոռնիայի ԱՄՆ շրջանային դատարան ներկայացված հայցի համաձայն՝ Samsung-ը 30-ամյա երգչուհու լուսանկարն օգտագործել է ԱՄՆ-ում վաճառվող հեռուստացույցների ստվարաթղթե տուփերի վրա։

«Պատկերը կեղծ տպավորություն է ստեղծում, որ Լուպան հավանություն է տալիս կամ կապված է ապրանքի հետ՝ այդպիսով դրդելով պոտենցիալ սպառողներին գնել այն», - նշվում է հայցում։

Հայցում մեջբերվում են երկրպագուների բազմաթիվ սոցիալական ցանցերում արված գրառումներ, որոնք պնդում էին, որ ոգեշնչվել են հեռուստացույցը գնելու համար՝ Լուպայի պատկերը տուփի վրա տեսնելուց հետո։