ԵՄ ևս մեկ երկիր փորձում է Գերմանիայից ամերիկյան զորքեր ստանալ

Լատվիան պատրաստ է ընդունել լրացուցիչ ամերիկյան զինվորական զորակազմ։ Այս մասին Բրյուսելում Bloomberg-ին տված հարցազրույցում հայտարարել է արտաքին գործերի նախարար Բաիբա Բրաժեն։

Նա այսպես է մեկնաբանել Սպիտակ տան հայտարարությունը, որ հազարավոր ամերիկյան զորքեր դուրս են գալիս Գերմանիայից։ Լատվիական դիվանագիտության ղեկավարի խոսքով՝ Ռիգան արդեն իսկ «մի շարք բանակցություններ է վարում ամերիկյան դաշնակիցների հետ», որոնք հանրապետությունը անվանում են «օրինակելի գործընկեր»։

Հետևաբար, Բրաժեն հավելել է, որ երկիրը «շատ կողջունի» իր տարածքում լրացուցիչ ամերիկյան զորքերի տեղակայումը։

Նախարարը որևէ տեղեկություն չի տրամադրել զորքերի հնարավոր թվի մասին։