Կրեմլը հայտարարել է, որ Թրամփի՝ Մոսկվա այցելելու հրավերը շարունակում է ուժի մեջ մնալ

Կրեմլի պաշտոնական ներկայացուցիչ Դմիտրի Պեսկովը հայտարարել է, որ Ռուսաստանի նախագահ Վլադիմիր Պուտինի՝ ԱՄՆ նախագահ Դոնալդ Թրամփին ուղղված Մոսկվա այցելելու հրավերը շարունակում է մնալ ուժի մեջ։ Նրա խոսքով՝ ռուսական կողմը պատրաստ է ընդունել ամերիկացի առաջնորդին, եթե նման այց կազմակերպվի։

Պեսկովը լրագրողների հետ զրույցում նշել է, որ Վլադիմիր Պուտինը ուրախ կլինի Մոսկվայում հյուրընկալել իր ամերիկացի գործընկերոջը։ Կրեմլի ներկայացուցիչը հավելել է, որ Ռուսաստանի ղեկավարությունը բաց է բարձր մակարդակի շփումների և երկխոսության համար։

Ավելի վաղ Ռուսաստանի նախագահի օգնական Յուրի Ուշակովը հայտարարել էր, որ ԱՄՆ նախագահի հատուկ ներկայացուցիչ Սթիվ Ուիթքոֆը և գործարար Ջարեդ Քուշները ապագայում կրկին կայցելեն Մոսկվա։ Նրա խոսքով՝ ռուս-ամերիկյան շփումները շարունակվում են տարբեր ուղղություններով։