ՀԱՄԱՍ-ը հայտարարել է Գազայի հարցում կարգավորման երկրորդ փուլի շուրջ բանակցությունների պատրաստակամության մասին

Պաղեստինյան ՀԱՄԱՍ շարժումը պատրաստ է սկսել բանակցություններ Գազայի հատվածում հակամարտության կարգավորմանն ուղղված համաձայնագրի երկրորդ փուլի շուրջ, այն բանից հետո, երբ Իսրայելը կիրականացնի համաձայնագրի առաջին փուլի դրույթները: Կատարի «Ալ Ջազիրա Մուբաշեր» հեռուստաալիքին ասել է ՀԱՄԱՍ-ի քաղաքական բյուրոյի ղեկավարի խորհրդական Թահեր ալ-Նունուն։

«Մենք պատրաստ ենք սկսել բանակցություններ համաձայնագրի երկրորդ փուլի շուրջ առաջին փուլի իրականացումից հետո», - ասել է նա: Շարժման խոսնակի խոսքով՝ Իսրայելը «հրաժարվում է իրականացնել համաձայնագրի առաջին փուլը և ցանկանում է ապահովել, որ երկրորդ փուլի պահանջները կատարվեն»։

Ալ-Նունուն նաև հայտարարել է, որ իսրայելական կողմը «շարունակում է խախտել համաձայնագրի դրույթները Գազայի հատվածում»: Նա ընդգծել է, որ «անհնար է սկսել լուրջ բանակցություններ, մինչև այդ խախտումները չդադարեն»։