Թրամփը անվանել է հնարավոր իրավահաջորդներին

Դոնալդ Թրամփը փոխնախագահ Ջ.Դ. Վենսին և պետքարտուղար Մարկո Ռուբիոյին անվանել է հաջորդ ընտրություններում նախագահի գերազանց թեկնածուներ։

«Կլինի՞ դա Ջ.Դ. Վենսը, թե՞ ուրիշ մեկը՝ ես չգիտեմ», - ասել է նա Սպիտակ տան Վարդերի այգում՝ Ոստիկանության աշխատակիցների շաբաթվա պատվին կազմակերպված ընթրիքի ժամանակ։

«Հիանալի է հնչում քվեաթերթիկի համար՝ Ջ.Դ. և Մարկո Ռուբիո։ Հիանալի թեկնածուներ։ Ի դեպ, ես կարծում եմ, որ սա երազանքի թիմ է, բայց կան որոշ փոքր մանրամասներ», - ասել է Սպիտակ տան ղեկավարը՝ առանց մանրամասնելու, թե ինչ նկատի ուներ։