Պեսկովը պատմել է Պուտինի և նրա առաջին ուսուցչուհու հարաբերությունների մասին

Ռուսաստանի նախագահ Վլադիմիր Պուտինը մինչ օրս ջերմ հարաբերություններ է պահպանում իր առաջին ուսուցչուհու՝ Վերա Գուրևիչի հետ։ Այս մասին РИА Новости-ին տված մեկնաբանությունում հայտնել է Կրեմլի պաշտոնական ներկայացուցիչ Դմիտրի Պեսկովը։

Պեսկովի խոսքով՝ Ռուսաստանի նախագահը մեծ հարգանքով և ջերմությամբ է վերաբերվում իր ուսուցչուհուն և շարունակում է մշտական կապ պահպանել նրա հետ։ Նա ընդգծել է, որ Պուտինը հաճախ է շփվում Գուրևիչի հետ։

Ինչպես նշում է РИА Новости-ն, Վերա Գուրևիչը երկար տարիներ դասավանդել է Սանկտ Պետերբուրգում և համարվում է Պուտինի կյանքի կարևոր մարդկանցից մեկը, որի մասին նախագահը տարբեր առիթներով նախկինում ևս խոսել է հարգանքով։