Մերցի ժողովրդականությունը վերականգնելու փորձերը «հակառակ հարված են հասցնում նրան»․ Politico

Գերմանիայի կանցլեր Ֆրիդրիխ Մերցը փորձում է վերականգնել իր ժողովրդականությունը՝ հանդիպելով ընտրողների հետ, սակայն այդ ջանքերը հակառակ արդյունք են տալիս, գրում է Politico-ն։

Հրապարակման հեղինակները գրում են, որ Մերցը շրջագայում է երկրով մեկ՝ փորձելով համոզել գերմանացիներին, որ երկիրը ճիշտ ուղու վրա է։ Սակայն նրա ուղևորությունները «հաջող չեն»։

Որպես օրինակ՝ լրագրողները մեջբերել են Մերցի հանդիպումը Սաքսոնիա-Անհալթ երկրամասի Զալցվեդել քաղաքում բնակիչների հետ։ Հանդիպման ժամանակ Մերցը կոպտորեն պատասխանել է քաղցկեղով հիվանդ մի կնոջ, որը նրան հարցրել էր առողջապահության ծախսերի կրճատման մասին, մինչդեռ դաշնային նախարարները աշխատավարձի բարձրացում էին պահանջում։

Մերցի «ոչ զգայուն պատասխանը» քննադատության է արժանացել՝ չնայած այն հանգամանքին, որ կնոջ պնդումները նախարարների աշխատավարձի վերաբերյալ մեծ մասամբ կեղծ էին։