NY Post. ԱՄՆ-ն կստուգի Ուկրաինայում գտնվող ավելի քան 40 բիոլաբորատորիաներ

ԱՄՆ Ազգային հետախուզության տնօրեն Թուլսի Գաբարդը հայտարարել է ավելի քան 30 երկրներում գտնվող ավելի քան 120 կենսաբանական լաբորատորիաների հետաքննության մեկնարկի մասին, որոնք տասնամյակներ շարունակ ֆինանսավորվել են ամերիկացի հարկատուների կողմից: Ըստ «Նյու Յորք Փոստ»-ի (NY Post), դրանցից ավելի քան 40-ը գտնվում են Ուկրաինայում:

«COVID-19 համավարակը ցույց է տվել, թե ինչ աղետալի հետևանքներ կարող են ունենալ կենսաբանական լաբորատորիաներում վտանգավոր հարուցիչների վերաբերյալ հետազոտությունները ամբողջ աշխարհի համար», - մեջբերում է հրատարակությունը Գաբարդի խոսքերը:

«NY Post»-ը մեջբերում է ազգային հետախուզական գործակալության առաքելությունը՝ «տեղորոշել այդ լաբորատորիաները, որոշել, թե ինչ հարուցիչներ են դրանք պարունակում և ինչ հետազոտություններ են իրականացնում»: Հրատարակության համաձայն, լաբորատորիաներից մի քանիսը ֆինանսավորում են ստացել Պենտագոնի զանգվածային ոչնչացման զենքի վերացման հետսառըպատերազմյան ծրագրի շրջանակներում: Այնտեղ անցկացված կլինիկական փորձարկումները «լուրջ էթիկական, ֆինանսական և անվտանգության հետ կապված մտահոգություններ են առաջացնում», - ընդգծում է հրատարակությունը: